Павлодарлықтар жәрмеңкеде 27 миллион теңгеге өнім сатып алды

Павлодарда жыл басынан бірінші ауыл шаруашылығы жәрмеңкесі өтті, деп хабарлайды BAQ.KZ Pavlodarnews.kz-ке сілтеме жасап.

Қала тұрғындары ауа райының салқындығына қарамастан "Jailau" базары мен жабық павильонға асықты. 

Бізде әрдайым көп адам болады, - дейді облыстық ауыл шаруашылығы басқармасының қайта өңдеу және кооперацияны дамыту бөлімінің басшысы Әсемгүл Бектұрова.

 – Мұнда апта сайын орта есеппен 140-150 тонна ауыл шаруашылығы өнімі әкелінеді. Барлығы апта сайын 27-28 млн теңгеге сатылады.

Жәрмеңкеге Павлодар, Шарбақты, Успен аудандарының, сондай-ақ Тереңкөл, Аққұл аудандарының және Павлодар қаласының тауар өндірушілері қатысты. 

Жәрмеңкеде жұмыртқаның он данасын 440-450 теңгеден сатып алуға болады. Сондай-ақ Ақкөл, Тереңкөл, Павлодар және Ақтоғай аудандарының шаруа қожалықтары 95 теңгеден картоп пен көкөніс жеткізуді ұйымдастырды.

Айта кетейік, павлодарлықтар етті нарықтық бағадан 10-15 пайызға төмен бағамен сатып алды. Жылқы етінің бір килограмы 2300-2500 теңге, сиыр еті 1900-2100 теңге, қой еті 1900-2100 теңге болды.