Павлодарлық екі тұрғын 800 шақырымды жүріп өтеді

Нұр-Сұлтан, BAQ.KZ. Маршрут облыс аудандары бойынша жүргізіледі.

Бұл туралы Pavlodarnews.kz хабарлады.  

Екі азамат өз еркімен 800 шақырымды жүріп өтеді.  Шарбақты – Павлодар – Мәскеу және  Шарбақты – Ұлан-Батыр велошеруінің жеңімпазы Өміржан Ошанов велосипедпен, ал марафондардың көптен бері қатысушысы Евгений Белов  жаяу шығады.

«AMANAT» партиясы Павлодар облыстық филиалы атқарушы хатшысының орынбасары Айнұр Мұхамедиярованың айтуынша, ультрамарафонның мақсаты – адамдардың спорт және салауатты өмір салтына  деген қызығушылығын арттыру, облыстың ауылдық аймақтарындағы дарынды балалар мен жастарды қолдау.

Спортшылардың бағыты: Павлодар – Шарбақты – Успен – далада түнеу – Тереңкөл – Железин – өткел – Ертіс – Ақтоғай – Сарышығанақ – Павлодар – Ямышев – Жамбыл – Аққулы – өткел – Көктөбе – Ақсу – Павлодар. Ультрамарафон 16 шілдеде «AMANAT» партиясының облыстық филиалы ғимаратында аяқталады, - деді Айнұр Мұхамедиярова.

Шараға демеуші болған Халық банкі өзінің бағдарламашысы Евгений Беловқа қолдау  көрсетті.

Осы марафонға екі жыл бұрын дайындала бастадым, бұл өте қиын болатынын түсінемін. Тіпті 80 шақырым - бірінші кезең – бұл қиын, ал күн сайын 70-80 шақырым жүгіру одан да қиын. Дегенмен әл-ауқат керемет, әрі қарай қалай болатынын жолда көреміз, - дейді  спортшы.

Марафоншы жастарға  тек шешім қабылдап қана қоймай, спортпен шұғылданудың да маңызды екенін атап өтті.

Жүгіруші 20 марафон және бірнеше ультрамарафонға қатысқан.