Павлодарлық еріктілер тұрғындарға бауырсақ пен наурыз көже таратты

Нұр-Сұлтан, BAQ.KZ. Наурыз мерекесіне орай Павлодар педагогикалық университетінің «Lotos» еріктілер ұйымы «Ұлыс оң болсын!» акциясын өткізді, деп хабарлайды Рavlodarnews.kz.

Мерекеге орай еріктілер  өздері наурыз көже мен бауырсақ дайындады.  «Барыс» сауда үйінің жанында өтіп бара жатқан қала тұрғындарын мерекемен құттықтап,  мерекелік ас ұсынды. Осылайша тұрғындарға кермет көңіл-күй сыйлап, көптеген адамдардың разылығы мен батасын алдық. Тіпті, өтіп бара жатқан машиналар да тоқтап, астан дәм татты, - дейді  «Lotos» еріктілер ұйымының төрайымы  Гүлжан Шакирова.  

Университет қабырғасында білім алып жатқан жастар қоғамдық  өмірге белсенді қатысып, көмекке мұқтаж жандарға үнемі қол ұшын созуға дайын екенін айтады. № 3 қалалық ауруханада ем алып жатқан жандарға теледидарға алуға ниетті.

Ұзақ уақытқа созылатын ем қабылдап жатқан науқастардың  жаңалықтарды тыңдайтың мүмкіндігі жоқ. Сондықтан еріктілер ұйымы жаңа теледидар алуға қаражат жинай бастады. - дейді Гүлжан Шакирова.