Павлодарда жол апатын жасаған жүргізуші іздестіріліп жатыр

Белгісіз жүргізуші «Тойота» автокөлігімен Жібек жолы көшесі бойымен жүріп келе жатып, тұрақта тұрған «MAN» көлігін соққан, деп хабарлайды BAQ.KZ облыстық полиция департаменті баспасөз қызметінің мәліметіне сүйеніп.

ПД баспасөз қызметінің мәліметінше, «Тойота» автокөлігінің жүргізушісі жол-көлік оқиғасынан кейін жол апаты болған орынды тастап кетіп жасырынған.

Қазіргі таңда жүргізушінің жасырынған жерін анықтау бойынша іздеу шаралары жүргізілуде.