Павлодарда мемлекеттік субсидия алу үшін қолдан құжат жасағандар сотталды

Нұр-Сұлтан, BAQ.KZ. Үкім 4 маусымда Павлодар қаласының №2 сотында шығарылды, деп хабарлады Pavlodarnews.kz.

Осындай алаяқтық жолмен олар асыл тұқымды мал басын өсіруге 100 млн теңгеден астам мемлекеттік субсидия алды. Ең көбі 53 және 29 жастағы шаруа қожалықтарының басшыларына тиесілі - 78 млн 947 мың 890 теңге субсидия алған.

Екеуі де аса ірі көлемдегі алаяқтық, алаяқтыққа жәрдемдесу және ресми құжаттарды қолдан жасағаны үшін сотталған.

Сотталушылардың кінәсі куәгерлердің айғақтарымен, құжаттық дәлелдемелермен және сараптама қорытындыларымен дәлелденді.

Прокурор шартты жаза тағайындауды сұрады.

Жәбірленушінің өкілі соттың ұйғарымына қарады және нақты бас бостандығынан айыруды талап етпеді.

Жеңілдететін мән-жайлар мен ер адамның ақшасын қайтарып алғанын ескере отырып, сот сотталғандардың біреуіне 6 жыл шартты түрде бас бостандығынан айыруды, екіншісіне 5 жыл қаржы және коммерциялық ұйымдарда басшы лауазымдарды атқару құқығынан айыра отырып, 5 жыл мерзімге шартты түрде бас бостандығынан айыруды тағайындады.

Бесінші сотталушыға ҚК-нің 385-бабы 2-бөлігі бойынша құжаттарды қолдан жасағаны үшін екі жылға бас бостандығын шектеу белгіленді.

Сотталғандарға міндеттерді жүктей отырып, пробациялық бақылау барлық мерзімге белгіленген.

Сотталғандарға міндеттерін жүктей отырып, барлық мерзімге пробациялық бақылау белгіленген, оның ішінде пробация қызметіне хабарламай тұрақты жұмыс орнын, оқу және тұру орнын ауыстыруға, спирттік ішімдіктер ішетін орындарға баруға болмайды. Егер бұзушылықтарға, соның ішінде әкімшілік бұзушылықтарға жол берілсе, шартты жаза нақты жазаға ауыстырылуы мүмкін, – деп ескертті №2 соттың судьясы Лачын Әлиев. 

Үкім заңды күшіне енген жоқ.