Павлодарда 104 гаджет иелеріне қайтарылды

Cмартфондар адамның таптырмас көмекшісіне айналған. Сонымен қатар ол жиі ұрланатын бұйымдар қатарында, деп хабарлайды BAQ.KZ Polisia.kz-ке сілтеме жасап. 

 Полицияға күн сайын ұялы телефондардың ұрлығы туралы арыз келіп түсіп жатады. Мысалы Павлодар қаласында Торайғыров көшесіндегі үйдің ауласындағы дүкенге Тесnо телефонын қалдырған қыз полицияға жүгінді. Дүкенге телефонын алу үшін қайта оралғанда оны таба алмай қалған. 

Тағы бір жағдайда Samsung Galaxy телефонын бутиктердің бірінен белгісіз адам ұрлап кеткен. Осыған ұқсас ұрлық Бөкейхан көшесіндегі дүкенде орын алды, онда ер адамның Huawei телефонын күртешенің қалтасынан ұрлап кеткен. Қазіргі уақытта барлық фактілер бойынша осы қылмыстарға қатысы бар адамдарды анықтауға бағытталған жедел-іздестіру іс-шаралары жүргізіліп жатыр. 

Смартфондар біздің өміріміздің ажырамас бөлігіне айналған кезде, оның ұрлығы немесе жоғалғаны адамдарға өте қиын. Полицейлер тағы да қоғамдық орындарда және қоғамдық көліктерде, сондай-ақ адамдар көп жиналатын жерлерде өз заттарын бақылауға кеңес береді. 

Сондай-ақ ешбір жағдайда табылған смартфонды иемденуге тырыспаңыз. Егер смартфон сауда орталығында, автобуста немесе дүкенде табылса, сауда орталығының күзетшісіне, жүргізушіге, сатушыға немесе полицияға хабарласу керек. Бұл сізге басқа біреудің мүлкін иемденуге тырысу туралы ықтимал айыптаулардан аулақ болуға мүмкіндік береді. 

Айта кету керек, жыл басынан бастап жедел уәкілдердің күшімен 100-ден астам гаджет иелеріне қайтарылды, – дейді Павлодар облыстық полиция департаменті.