Павлодар облысында жүк пойызы мен электровоз соқтығысып қалды

Нұр-Сұлтан, BAQ.KZ. Павлодар облысында жүк пойызы 20 вагоны бар электровозбен соқтығысып қалды.

Салдарынан электровоз рельстен шығып кеткен. 

 Алдын ала болжам бойынша, пойыз жүргізушісі тыйым салынған белгіге өтіп кеткен. Аталған факті сотқа дейінгі бірыңғай реестріне ("Темiржол көлiгiнде қозғалыс қауiпсiздiгiн қамтамасыз ететiн қағидаларды бұзу") бабы бойынша тіркелді. 

Зардап шеккендер мен қаза болғандар жоқ.