Павлодар ауылында танк снарядтары табылды

Нұр-Сұлтан, BAQ.KZ. 11 қарашада сағат 11 шамасында ауылға шақырту бойынша шұғыл қызметтер - полиция, жедел жәрдем, өрт сөндірушілер, жару техникалары келді, деп хабарлайды Pavlodarnews.kz.

Оқ-дәрілер жеке үйдің ауласында екені анықталды, үй иесі металл сынықтарын қабылдаумен айналысқан. Ғимарат полиция күшімен қоршалып, он адам эвакуацияланды.

Саперлер екі танк снарядын және миномет минасын тауып алды. Мамандар қарағаннан кейін оқ-дәрілер тәркіленді.

Полиция департаментінің баспасөз қызметі хабарлағандай, Қазақстан Республикасы ҚК 287-бабы бойынша сотқа дейінгі тергеу басталды. Сараптама тағайындалды.