Пауэрбанк жарылды: Алматыда күйік шалған жасөспірім ауруханаға түсті

Алматыда жасөспірімнің қалтасындағы пауэрбанк жарылып, ол ауруханаға түсті, деп хабарлайды BAQ.KZ тілшісі.

Оқиға 15 шілде күні болған. 16 жастағы жасөспірімнің қалтасындағы қуаттағыш аккумулятор жарылған. 

Зардап шеккен жасөспірімнің денесінің 20 пайызы күйіп қалған. IIIБ дәрежелі күйік деңгейінде. Қазір жасөспірім ауруханада ем қабылдап жатыр. Жағдайы әлі де ауыр, бірақ тұрақты, - дейді облыстық Денсаулық сақтау басқармасының баспасөз қызметі.

Еске салайық, бұған дейін Қостанайда төсекте шылым шеккен адам өртеніп кете жаздаған болатын.