Пәтерін жөндеткен павлодарлық екі млн теңгесін таба алмай қалды

Нұр-Сұлтан, BAQ.KZ. Павлодарлық тұрғын пәтерін жөндегеннен кейін екі млн теңгесін таба алмай қалды. Оқиға орнына жедел тергеу тобы келіп, пәтерді тексеру кезінде полиция қызметкерлері жоғалған ақша мен құжаттарды пәтерден тапқан, деп хабарлайды Pavlodarnews.kz. 

Вера Николаевнаның айтуынша, пәтерінде жөндеу жұмыстары жүргізілген. Жөндеушілер кеткен соң 2 млн теңгенің жоғалғанын анықтаған. Жоғалған заттарын таппаған соң полицияға ұрлық туралы арыз жазған. 

Мен әдеттегі жерден ақшаны таба алмаған соң қобалжыдым, өзім ақшаны қайда қойғанымды ұмытып қалыппын. Басшылықтан көмек көрсеткен қызметкерлердің еңбегі мен біліктіліктерін атап өтуді сұраймын, оларға деген алғысым шексіз, – деді Вера Николаевна. 

Павлодар қаласының тұрғыны Никитина Вера Николаевна Павлодар облысы полиция департаментінің бастығы Нұрлан Мәсімовтің атына алғыс хат жолдады. 

Қала тұрғыны Павлодар қаласы Орталық полиция бөлімінің жедел тергеу тобына, яғни оның арызы бойынша келген тергеуші Айнис Тахрадиноваға, жедел уәкіл Айдын Сәлімбековке, криминалист Шор Берікке алғысын білдірді.