Парижде бұршақ жауып, метро станцияларын су басты

Париж көшелері бұршақтан көрінбей қалды, ал нөсер жауыннан метро станцияларын да су басқан, деп хабарлайды BAQ.KZ. 

Желдің жылдамдығы сағатына 90 шақырымға дейін жетіп, температура небәрі 15 минут ішінде 27°C-тан 15°C-қа дейін күрт төмендеді.

Куәгерлер табиғаттың тосын мінезінің салдарын әлеуметтік желіде бөлісуде. Париж тұрғындарының айтуынша, бұршақтан автокөліктерге айтарлықтай зиян келтірген. Олардың сөзіне қарағанда, бұршақ диаметрі 2-3 см-ге дейін жеткен.

Әзірге жергілікті билік табиғи апаттың зардаптарын әлі толық бағалаған жоқ.