Париж-2024. Нұрдәулет Жұмағали финалға жолдама алды

Пара жүзуден SB13 санатында 100 метрге брасс әдісімен жүзуде Нұрдәулет Жұмағали финалға жолдама алды, деп хабарлайды BAQ.KZ.

Ол іріктеу кезеңінде 1:05.11 уақыт көрсеткішімен мәреге бірінші жетті. 

Сонымен қатар Нұрдәулет осы нәтижесімен Азия рекордын жаңартты.

Бұған дейін хабарлағанымыздай, кеше Давид Дегтярев алтын жүлдеге қол жеткізіп, Паралимпиаданың екі дүркін чемпионы атанды.

Сондай-ақ Дастан Мұқашбеков қола жүлде жеңіп алды.