Паралимпиаданың екі дүркін чемпионы Астанаға оралды

Париж Паралимпиадасының чемпионы Давид Дегтярев елордаға оралды, деп хабарлайды BAQ.KZ тілшісі.

Жеңімпазды қарсы алуға Астана әуежайында елордалықтар, спортшының жақындары мен БАҚ өкілдері жиналды.

Парижде өткен Паралимпиада ойындарында парапауэрлифтингтен 54 келіге дейінгі салмақта Давид Дегтярев чемпион атанған болатын.

Давид Дегтярев Токиодағы жетістігін қайталап, Паралимпиада ойындарының екі дүркін жеңімпазы болды.