Паралимпиада. Зульфия Габидуллина 8-орын алды

Нұр-Сұлтан, BAQ.KZ. Бүгін 50 метрге жүзуде аралас бағдарламада S4 санаты бойынша жүлде жиынтығы сарапқа салынды. Қазақстандық Зульфия Габидуллина бұл сында сегізінші орын алды. 

Рио Паралимпиадасының чемпионы бұл қашықтықты 48.12 секундта жүзіп өтті.

Таңертең жартылай финалда Зүлфия Габидуллина өз тобында 44,57 секунд нәтижесімен төртінші орын иеленген. Ал жалпы есепте 8-орынға тұрақтап ақтық сынға шыққан еді.

Айта кетейік, Зүлфия Габидуллина осыдан бес жыл бұрын Риодағы Паралимпиадада чемпион атанып, ел қоржынына алғашқы алтын медальді салған. Бұл Зүлфия Габидуллинаның карьерасындағы үшінші Паралимпиада.