Пандемиядан кейін жаһандық депрессия болуы мүмкін - Гутерриш

Нұр-Сұлтан, BAQ.KZ. COVID-19 пандемиясы елдер ішінде де, мемлекеттер арасында да қарым-қатынастардағы теңсіздік пен күрделі жағдайды ушықтырды. Ол аяқталғаннан кейін әлемнің одан әрі дамуының екі сценарийі ғана болады. 

Бұл туралы БҰҰ бас хатшысы Антониу Гутерриш жариялаған деп хабарлады korrespondent.net.

Гутерриштің айтуынша, болашақты көру мүмкін болмаса да, ол пандемиядан кейін әлем үшін мүмкін болатын екі сценарийді ғана көреді: оптимистік және пессимистік.

Оның пікірінше, бұл жолдардың ең нашар бөлігі сегрегация мен ксенофобияның ұлғаюымен жүретін жаһандық депрессияны көздейді. Егер бұл сценарий жүзеге асса, біз сегрегация, популизм және ксенофобияның қалай өсетінін көреміз. Әрбір ел өз бетінше немесе кейбір нақты міндеттер бойынша ынтымақтасқысы келетін коалицияларда жұмыс істейтін болады, - деді ол.

Бұл жағдайда Гутерриш 5-7 жылға созылатын жаһандық депрессияның пайда болуы мүмкін екенін айтты.

Оптимистік сценарий дамушы мемлекеттерге жалпы қалпына келтіру мен көмек көрсетудің табысты жоспарын болжайды.

Сондай-ақ, оны іске асыруға таяудағы тоғыз ай ішінде коронавирустан тиімді және қолжетімді вакцинаның пайда болуы көмектеседі. Егер солай болып, экономика біртіндеп қалпына келтірілсе, біз екі-үш жылдан кейін қалыпты жағдайға оралу үшін қажетті бағытта қозғала бастаймыз, - дейді Гутерриш.

Гутерриштің айтуынша, әлем қандай бағытта қозғалатынын түсіну қиын, бірақ бірінші сценарий үшін бәрін жасау керек, сондай-ақ, екіншіге дайындалу керек.