Пәкістанға қаржылай көмек көрсетіледі

АҚШ билігі алапат су тасқынынан есеңгіреп қалған Пәкістанға қаржылай көмек көрсетуге ниетті, деп хабарлайды BAQ.KZ «Хабар 24»-ке сілтеме жасап.

Таяуда Құрама штаттардың мемлекеттік хатшысы қазынадан 10 млн доллар бөлінетінін мәлімдеді. Энтони Блинкеннің айтуынша күні бүгінге дейін АҚШ Пәкістанға 56 млн доллар бөліп, гуманитарлық жүк тиелген бірнеше ұшақ жөнелтті. Жуырда Германия билігі де Пәкістанға көрсететін көмекті 13 млн-нан 39-млн-ға дейін көбейтсе, Дүниежүзілік Банк 2 млрд доллар бөлетінін хабарлады.

Айта кетейік, алапат су тасқынынан кейін Пәкістанның 1600 тұрғыны көз жұмды. Апаттан келген шығын 30 млрд доллрға бағаланып отыр. Баспанасынан айырылған жұрт әлі күнге дейін ашық аспан астында түнеуге мәжбүр. Бұл аздай аймақта безгек ауруы белең алып барады.