Отандық ауыр атлет Азия чемпионатының күміс жүлдесін еншіледі

Ташкентте өтіп жатқан чемпионатта ауыр атлет Александр Уваров күміс жүлдегер атанды, деп хабарлайды BAQ.KZ.

Өзбекстан астанасы Ташкенттегі өтіп жатқан ауыр атлетикадан Азия чемпионатында ерлер арасында 81 келіге дейінгі салмақта 2 зілтеміршіміз өнер көрсетіп, Александр Уваров күміс медаль иеленді. 

Ханчжоу-2022 Азия ойындарының қола жүлдегері жұлқа көтеруде 153 кг, серпе көтеруде 190 кг көтеріп, қоссайыс қорытындысында 343 кг көрсеткішпен 2-орын иеленді. 

Әлібек Рақымберді 5-орынмен шектелді. 

Ерлер. 81 кг 

Ри Чонг Сонг 369 кг (169+200) 

Александр Уваров 343 кг (153+190) 

Гайгысыз Тораев 337 кг (148+189) 

Әлібек Рақымберді 298 кг (130+168)