Отандастарымыздың шетелде 24,5 мың жылжымайтын мүлкі бар

18 мыңнан астам қазақстандықтың шетелде 24 мыңнан астам жылжымайтын мүлкі бар, деп хабарлайды BAQ.KZ Хабар24-ке сілтеме жасап.

Бұл туралы Мемлекеттік кірістер комитеті мәлімдеді. 

Жыл басынан бері 2 миллионға жуық басшы, кәсіпкер мен олардың жұбайлары декларацияның үшінші кезеңін тапсырды. Оның ішінде, 6 656 адам өзге елде 7 812 көлігі бар екенін көрсетті. 

9 521 азаматтың шетелдік банктерде жеке шоты бар. Сондай-ақ, азаматтар декларацияда 60 мыңға жуық елдегі мүлік нысандарын көрсеткен. Әрқайсының құны шамамен 234 млн теңге тұрады.