«Орталық тек қосымша білім берумен ғана емес, оқу үрдісіндегі барлық қатысушыларға психологиялық көмек көрсетеді: оқушылар, ата-аналар, мұғалімдер осы бағыттарды қамтиды. Суицидтік мінез-құлық бойынша облысымызда соңғы жылдары кәмелет жасына жетпегендердің жағдайы ерекше бақылауды қажет етеді. 2016 жылы 37 жағдай тіркеліп, 8-і суицидпен аяқталды. Одан кейінгі жылы 43, 10 жағдай суицидпен аяқталды. 2018 жылы 50 жағдай тіркеліп, 12 жағдай суицидпен аяқталды, – дейді Психологиялық көмек пен қосымша білім беру орталығының директоры Елена Петренко.

Психологиялық қолдау орталығында тәулік бойы 37-08-58 сенім телефоны жұмыс істейді. 10 психолог маман мен 6 педагог суицидке бейім азаматтарға кеңес береді. Одан бөлек, арнайы мобильдік топ құрылған. Фронт-кеңсе бұған дейін Білім басқармасында болған еді. Енді жаңа ғимаратта орналасқан. Жыл басынан бері бұл орталықтың сенім телефонына 360 қоңырау түскен.

«Басым мәселелердің бірі - ата-ана мен балалар арасындағы қарым-қатынастың дұрыс болмауы болса, екіншісі эмоциональдық, психологиялық ауытқушылықтар», - дейді мамандар.

Психолог мамандар арт-терапия, музыкалық ойын терапиясын өткізеді. Жаңа оқу жылынан бастап құм терапиясы енгізіледі және орталық мұнымен шектелмейді.