Өскеменнің екі маршрутында автобус саны артады

Өскемендегі екі маршрутта автобустардың саны артады, деп хабарлайды BAQ.KZ.

Бұл туралы Өскемен қаласының әкімі Жақсылық Омар Аблакетка шағын ауданының тұрғындарымен кездесуінде айтты.

Шағын аудандағы ең өзекті мәселенің бірі – автобус қатынасының реттілігі.

Біз енді дұрыс шешім таптық деген үміттемін. 27 маршрутты жою есебінен 4-ші және 25-ші маршруттарда автобус санын арттыруға бағытталатын болады. Ең бастысы, бұл нұсқа аудан тұрғындарымен бірге әзірленіп, олардың қолдауын тапқан еді, - дейді Жақсылық Омар.