Өскеменде автовокзал өртенді

Өрт сөндірушілер Өскемен автовокзалы ғимаратындағы өртті сөндірді, деп хабарлайды BAQ.KZ.

Өскемен қаласының өрт сөндіру бөлімшелері келгеннен кейін 2-қабаттағы сервер бөлмесінде жалын жиһаз бен бөлменің созылмалы төбесін шарпығаны анықталды.

Газ-түтіннен қорғау қызметі 10 шаршы метр алаңдағы өртті сөндірді.

Зардап шеккендер жоқ.

Өрттің себебі анықталып жатыр.

ТЖМ нысан иелеріне өрт қауіпсіздігі ережелерін сақтау керектігін ескертеді.