ОСК Мәжіліс сайлауына партиялық тізімдерді тіркеуді қорытындылады

ҚР Парламенті Мәжілісі депутаттарының сайлауын өткізу шеңберінде партиялық тізімдерді тіркеу қорытындыларын Орталық сайлау комиссиясы төрағасының орынбасары Константин Петров мәлімдеді, деп хабарлайды BAQ.KZ тілшісі.

Парламент Мәжілісіне сайлануға 7 партия бойынша 283 кандидат ұсынылды. Тіркеу кезінде әрбір партияның ұсынымдары жан-жақты қаралып, 281 кандидат тіркелді. «Respublica» партиясынан 2 кандидат партиялық тізімнен шығарылды.   

Партиялық тізімдерді тіркеу қорытындылары келесідей: Қазақстанның «Ақ жол» демократиялық партиясынан 54 кандидат, «AMANAT»  партиясынан 90 кандидат, «Ауыл» халықтық-демократиялық патриоттық партиясынан 25 кандидат, Қазақстанның «БАЙТАҚ» жасылдар партиясынан 18 кандидат, «Жалпыұлттық социал-демократиялық партиясынан» 19 кандидат, «Қазақстанның халық партиясынан» 52 кандидат және «Respublica» партиясынан 23 кандидат, - деді Петров.

Партиялық тізімдердегі әйелдердің, жастардың, мүгедектігі бар адамдардың жиынтығы 38,1 (107) пайызды құрайды. Кандидаттардың орташа жасы – 45 жас. Ал 29 жасқа дейінгі жастар саны – 19 адам. Ең жасы 1997 жылы туған, ең кәрісі 1942 жылы туған. Сондай-ақ 12 ұлт өкілдері ұсынылған.