«Орталық Азия – Ресей» саммитіне 6 мемлекет басшысы қатысады

Астанада 14 қазан күні «Орталық Азия – Ресей» саммиті өтеді, деп хабарлайды BAQ.KZ.

Ағымдағы жылдың 14 қазанында Астанада «Орталық Азия-Ресей» саммиті өтеді. Жоғары деңгейдегі кездесу барысында Қазақстан, Қырғызстан, Өзбекстан, Тәжікстан, Түрікменстан және Ресей президенттері алты жақты форматтағы ынтымақтастықтың келешегін талқылайды, - делінген СІМ таратқан хабарламада.

Кездесу қорытындысы бойынша мемлекет басшыларының Бірлескен мәлімдемесін қабылдау жоспарлануда, онда Еуразиялық кеңістіктегі өңірлік ынтымақтастықтың өзекті мәселелері көрсетіледі.

Сондай-ақ қорытынды құжатта саясат пен қауіпсіздік, сауда-экономикалық және мәдени-гуманитарлық ынтымақтастық сияқты салалардағы одан әрі өзара іс-қимылдың перспективалары атап өтілетін болады.