Өрт сөндірушілер әйел адамды өрттен құтқарды

Бүгін Қостанай облысындағы Рудный қаласындағы Качар кентінде көпқабатты үйдегі пәтердің ас үйінен өрт шықты.

Оқиға орнына дереу жеткен ТЖМ қызметкерлері түтін басқан пәтерге кіріп, терезе арқылы үй иесін эвакуациялады.

Әйел адам зардап шекпеген, медициналық көмекке мұқтаж болған жоқ. ТЖМ ескертеді: өрт қауіпсіздігі ережелері — өмірді сақтап қалады.