"Өрт болуы мүмкін". Қазгидромет қызыл аймақтағы 3 өңірді атады

"Қазгидромет" РМК өрт қаупі бар аймақтардың картасын ұсынды, деп хабарлады BAQ.KZ тілшісі.

"Қазгидромет" РМК алдағы күндерге арналған өрт қаупі болжамын жариялады. Мәліметке сәйкес, Қызылорда облысында, сондай-ақ Түркістан облысының батысында және шөлді аймақтарында өрт қаупі жоғары деңгейде сақталады. 

Сондай-ақ Маңғыстау облысының солтүстік-шығысы мен шығысында да жоғары өрт қаупі күтіледі.

Сонымен бірге, "Қазгидромет" РМК 2025 жылдың 15 сәуірі мен 15 қазаны аралығын қамтитын маусымдық өрт қаупі картасын әзірледі.