Оралда базар өртенді

Нұр-Сұлтан, BAQ.KZ. БҚО ТЖ департаментінің баспасөз қызметі мәлім еткеніндей, оқиға бүгін сағат 12.45-те болды, деп хабарлайды «Хабар 24».

 Сырым Датұлы көшесінде орналасқан «Ел ырысы» базарында аумағы 145 шаршы метрді қамтыған өрттен тамақ және құрылыс заттарын сататын 5 сауда бутигі жанып кеткен. 

Сондай-ақ 7 бутиктің шатыры жанды. Тілсіз жау сағат 14.48-де толықтай сөндірілді. Өртті сөндіруге жеке құрамнан 40 қызметкер 8 техника жұмылдырылды. Қазіргі кезде келтірілген шығын, кінәлі адамдар анықталу үстінде.