Қорғаныс министрлігінде әскери қауіпсіздік мәселелері талқыланды

Нұр-Сұлтан, BAQ.KZ. Елордада қорғаныс министрі Нұрлан Ермекбаевтың басшылық етуімен әскери қауіпсіздік сұрақтары бойынша Қазақстан Республикасы Қауіпсіздік кеңесінің кезекті ведомствоаралық отырысы өтті.

Әскери ведомстводан хабарлағандай, отырысқа  Қауіпсіздік Кеңес аппаратының, Қазақстан Республикасы Қорғаныс министрлігінің және мемлекеттік органдардың өкілдері қатысты.

Отырыс барысында көбіне мемлекеттік әскери ұйымдардың жоспарланған кезеңде басымдылығын анықтайтын 2021-2025 жылдардағы ұлттық қауіпсіздіктің жаңка стратегияларын өңдеу, сондай-ақ ҚР ҚК-де, басқа әскер мен әскери құрылымдарда заманауи жаттығу құралдарымен қамтамасыз етуді қосқандағы материалдық-техникалық оқу базасының дамуды ұйымдастыру жұмыстарының сұрақтары қарастырылды.

Ведомствоаралық комиссия жұмысының нәтижесі бойынша, мемлекеттік органдар қызығушылық білдірген ұсыныс пен ұсынымдар қарастырылды. Комиссияның жұмыс жоспарына сәйкес мемлекттік әскери ұйымның дамыту преспективалары мен мәселелері қаралатын отырыс жылына екі рет өткізіледі.