Өңірлерге жұмыс сапарымен баруды жалғастырып жатырмын - Аймағамбетов

Бұл туралы ол өзінің facebook парақшасында жазады, деп хабарлайды BAQ.KZ.

Алматыда есеп беру кездесуін өткіздім. Жиында көршілес Алматы облысынан келген тұрғындар да өз сауалдарын қоя алды.Кездесуде алдымен Президенттің шешімдері мен қолдауының арқасында болған өзгерістер туралы айттым,- дейді ол

Ол жиынға барлығы 300 адам қатысқанын, үш сағаттың ішінде барлық қызықты сұраққа жауап беруге тырысып, азаматтарды жеке сұрақтарымен қабылдағанын айтып өтті.

Бұл - инклюзивті білім беруді қажет ететін балаларға қолдау көрсету және ерекше қажеттіліктері бар балаларға арналған білім беру бағдарламалары, балаларды ауылдық және қалалық мектептерде оқыту және олардың арасындағы алшақтықты азайту мәселелері,- дейді бас ұстаз.

Сондай-ақ ол мұғалімдердің аттестациядан өту жүйесі, оқушылар арасында олимпиада өткізу, мектеп психологтарының жұмысы, мектеп әкімшілігі ата-аналардан сұрай алатын ақпараттың рұқсат етілген тізімі тақырыптары көтерілгенін айтты. 

Онда заңды түрде жергілікті атқарушы органдардың (әкімдіктердің) құзыретіне жататын сұрақтар да қойылды. Мысалы, мектеп құрылысының сапасы, оларды қаржыландыру, мектеп асханаларында балаларға тамақ жеткізушілермен келісімшарт жасау, мектеп автобустарын сатып алу, көпбалалы отбасылардан шыққан балаларға көмек көрсету.Тұрғындар басқа облыстардағы есеп беру кездесулерінде де қойылғандай сұрақтарды ұойды. Атап айтқанда, еңбек қатынастарына, педагогикалық жүктемеге және т.б. қатысты жеке сұрақтар қоя алды. Кейбір мәселелер бойынша құрылымдық бөлімшелерге тиісті тексерулер жүргізуге қатысты тапсырма бердім,- дейді ол.

Сондай-ақ ол жиын соңында қатысушыларға уақыттарын бөліп, ойларын ашық білдіріп, көкейтесті сұрақтарын қойып, білім саласындағы мәселелерге бей-жай қарамағандары үшін алғыс айтқанында тілге тиек етті.