Тоқаев өнер саласында жүрген жастарды қолдау қажет екенін айтты

Нұр-Сұлтан, BAQ.KZ. Қасым-Жомарт Тоқаев жазушы, қоғам қайраткері Нұрлан Оразалинді қабылдады. Бұл туралы Ақорданың баспасөз қызметі хабарлады.

Кездесу барысында мемлекет басшысына еліміздегі әдебиет пен өнердің жағдайы, рухани құндылықтар туралы мәлімет берілді.

Қасым-Жомарт Тоқаев рухани құндылықтар ел дамуындағы маңызды фактор екеніне назар аударды. Қазақстан президенті заман талабына сай жаңа әдеби шығармалар жазылып, әдебиет пен өнер саласында жүрген жастарды қолдау қажет екенін айтты.