Олимпиада чемпионы Серік Сәпиев қатысқан төбелестің видеосы желіде тарады

Интернет желісінде бокстан Олимпиада чемпионы Серік Сәпиевтің қатысуымен болған төбелес бейнеленген видео пайда болды, деп хабарлайды BAQ.KZ.

Қазіргі таңда Серік Сәпиев Қарағанды облысының дене шынықтыру және спорт басқармасын басқарады. Видеода оның орынбасары Дәурен Есімхановпен сөзге келіп, жанжалға ұласқан сәті бейнеленген.

Бұған дейін полиция соққыға жығу фактісі бойынша қылмыстық іс қозғалғанын хабарлаған. Алайда оқиғаның мән-жайы мен себептері әзірге жария етілген жоқ.