"Олар меморандумды беруден бас тартты": Зеленский Ыстамбұлдағы кездесудің тиімділігіне күмән келтіреді

Украина президенті "Ресей өзінің уәде еткен «меморандумын" бейбіт реттеу шарттарын беруден бас тартып, осылайша "дипломатиялық күш-жігерге нұқсан келтіреді" деді. Бұл туралы ол өзінің Telegram-арнасында жазды, деп хабарлайды BAQ.KZ.

Украина президенті Владимир Зеленский дүйсенбіде Ыстамбұлда өтеді деп жоспарланған Ресеймен қайта жалғасқан келіссөздер нәтиже беретініне күмән келтірді.

Жұма күні ол Киев 2 маусымда өтетін делегациялардың кездесуі алдында Мәскеудің бейбіт реттеу шарттары туралы түсініктеме беруін әлі күтіп отырғанын айтты.

Зеленскийдің бас кеңесшісі Андрей Ермак жұма күні Украинаның бейбітшілікке қол жеткізу жөніндегі тікелей келіссөздерді қайта бастауға дайын екенін, бірақ Кремль алдымен соғысты тоқтату жөніндегі ұстанымын көрсететін уәде етілген меморандумды ұсынуы керек деді.

Зеленский Ресей осылайша «дипломатиялық күш-жігерге нұқсан келтіріп отыр» деді.

Бізде Украинада да, қабылдаушы ел ретінде Түркияда да Ресейдің "меморандумы" деп аталатын құжат туралы ешқандай ақпарат жоқ. Неге екені белгісіз, ресейліктер бұл құжатты жасырып отыр. Бұл мүлдем оғаш ұстаным, - деді Зеленский түнгі видео үндеуінде.

Ыстамбұлдағы келіссөздердің болу-болмауы әзірге белгісіз.