Нұра ауданында өнер үйі ашылады

Нұра ауданында биыл 100 орындық Өнер үйінің құрылысы басталады, деп хабарлайды BAQ.KZ.

Өнер үйінде балалар мен жастарға арналған шығармашылық үйірмелер ашу жоспарлануда.

Ауданды одан әрі дамытудың басымдықтары айқындалды. "Ауыл – Ел бесігі" арнайы жобасы бойынша Нұра кентінде 100 орындық Өнер үйін салу жоспарлануда. Сондай-ақ, осы жоба бойынша Ізенді мен Ақмешітте ауылішілік жолдарды орташа жөндеу жоспарланған, - деді аудан әкімі Бақытжан Мұқанов.

Аудан орталығында 600 орындық жайлы мектеп салынады. Сондай-ақ, ауданда үш ауылдық мектеп жөнделеді, бес оқу орнында қазандықтарды сыртқа шығару жоспарланған.