Нұр-Сұлтанда Жаңа жыл түні 16 сәби өмірге келді

Нұр-Сұлтан, BAQ.KZ. Елордада Жаңа жылда 16 сәби дүниеге келді. Бұл туралы қалалық Қоғамдық денсаулық сақтау басқармасы хабарлады. 

Қалалық қоғамдық денсаулық сақтау басқармасының мәліметінше, желтоқсанның 31-інен қаңтардың 1-іне қараған түні елордада 16 нәресте дүние есігін ашты. Жаңа жылдың бірінші күні көпбейінді қалалық ауруханалардың акушерлік блоктарында 6 қыз және 10 ұл бала туды, - делінген хабарламада. 

Басқарма өкілдерінің айтуынша, орта есеппен бір тәулік ішінде 80-90 бала дүниеге келеді. Сонымен бірге, жаңа жылда Нұр-Сұлтанның 125 жедел жәрдем бригадасы кезекшілік атқарып, 355 фельдшер мен жүргізуші шақыртуларға шыққан. Оның ішінде алғашқы медициналық санитарлық көмек ұйымдарының бригадалары да бар.