Норвегия королі ауруханаға түсті

Нұр-Сұлтан, BAQ.KZ. Харальд V басы айналғаннан кейін ауруханаға жатты. 

Дәрігерлер жағдайы жақсы деп отыр.

Норвегия королі Харальд V сәрсенбі күні ауруханаға түсті. Бұл туралы Норвегия королдік отбасының баспасөз қызметі хабарлады.
82 жастағы монархтың жағдайы жақсы, тек басы айналғаннан кейін аураханаға жатқан.

Король демалыс күндері ауруханадан шығады, - делінген баспасөз қызметі таратқан хабарламада.

Денсаулығына байланысты Харальд V екі апта демалыс алады. Оның міндетін ұлы ханзада Хокон атқарады.

Еске сала кетсек, 2003-2005 жылдары Харальд V қатты сырқаттанып, онкологиялық және жүрек-қан тамыр ауруларына байланысты бірнеше ота жасатты.