Нидерландыдан әкелінген хризантема ақ тот жұқтырған болып шықты

Ақ тот жұқтырған 160 мыңға жуық хризантема Нидерландыға қайтарылды,  деп хабарлайды BAQ.KZ.

Алматы қаласы бойынша мемлекеттік инспекция комитеті аумақтық инспекциясының карантин инспекторы хризантема көшеттеріне фитосанитарлық бақылау жүргізу барысында ақ тот жұқтырған хризантеманы (Puccinia horiana) анықтады.

159 400 гүл Нидерландыдан әкелінген. Инспектор алған үлгілер Алматы аймақтық карантин зертханасына жіберілді.

Тексеріс нәтижелері қауіпті карантинге жататын нысан екенін растады. Өнім иесіне қатысты әкімшілік хаттама толтырылып, айыппұл салынды. Гүл көшеттері жіберушіге қайтарылды, - деп жазылған хабарламада.