Назарбаев Зияткерлік мектептеріне түсу үшін құжат қабылдау жүріп жатыр

Нұр-Сұлтан, BAQ.KZ. «Назарбаев Зияткерлік мектептері» дербес білім беру ұйымы 2022-2023 оқу жылында Назарбаев Зияткерлік мектептерінің 7-сыныптарында білім алу үшін үміткерлерге Қазақстан Республикасы Тұңғыш Президентінің «Өркен» білім беру грантын тағайындауға конкурс жариялады. Құжаттар 26 ақпанға дейін қабылданады. 

Кешенді тестілеу 14-15 сәуір күндері Зияткерлік мектептер базасында өтеді.

Тестілеудің бірінші күні оқушылар жаратылыстану-математикалық бағыттағы пәндер (математика, сандық сипаттама, жаратылыстану) бойынша тест тапсырады. Ал екінші күні тілдік тестілеуден (қазақ, орыс, ағылшын тілдері) өтеді. 

Санитарлық талаптарды сақтау және қауіпсіздікті қамтамасыз ету мақсатында қабылдау комиссиясына құжат тапсыру үшін арнайы онлайн брондау қызметі жұмыс істейді. Құжаттар тізімі, брондау қызметі, конкурстық тапсырмалар үлгілері және тағы басқа ақпаратты https://nis.edu.kz/  сайтының «Үміткерлерге» бөлімінен алуға болады.