Назарбаев Университеті Қазақстанның брендіне айналды – Елбасы

Нұр-Сұлтан, BAQ.KZ. Елбасы «Назарбаев Университеті» дербес білім беру мекемесінің президенті Шигео Катсуды қабылдады. Бұл туралы Ақорданың баспасөз қызметі хабарлады. 

Кездесуде Қазақстанның Тұңғыш Президентіне «Назарбаев Университетінің» қазіргі даму барысы және жоғары оқу орнының түлектеріне бесінші рет диплом тапсыру рәсіміне дайындық жұмыстары туралы мәлімделді.

«Бізде халықаралық деңгейдегі университет болады дегенге көбісі сенбеп еді. Міне, көп жылдан бері осындай университеттің ректорысыз. Жоғары оқу орнының зияткерлік әлеуеті – оқу орнының деңгейін көтеріп жатқан ғалымдар бар. «Назарбаев Университеті» Қазақстанның брендіне айналды», - деді Елбасы.

Кездесу қорытындысы бойынша Нұрсұлтан Назарбаев бірқатар тапсырма берді.

Сондай-ақ, бүгін Нұрсұлтан Назарбаев Парламент Мәжілісі Қаржы және бюджет комитетінің төрайымы Гүлжан Қарақұсованы қабылдады.

Кездесу барысында Комитеттің бюджетті жоспарлау және салық саясаты саласындағы заң шығару қызметінің мәселелері талқыланды.