Наурызнама: Алматыда «Тазару» эко-науқаны өтеді

Мерекелік іс-шараларды 23 наурызда қаланың барлық аудандарында өтетін «Тазару» жалпыұлттық экологиялық акциясымен жалғастыру жоспарлануда, деп хабарлайды BAQ.KZ.

Алматы қаласының Экология және қоршаған орта басқармасының мәліметінше, Кіші Алматы, Есентай, Үлкен Алматы және Қарғалы өзендерінің жағалауы мен арналарының аумағында су айдындарын тазарту және қоқыстан тазарту бойынша іс-шаралар ұйымдастырылады.

Мердігер ұйымдардан өзен арналарын тазалауға барлығы 460 адам және 52 бірлік арнайы техника жұмылдырылатын болады.

Алматы қаласын көгалдандыру мақсатында Әуежай көлінің жағалауына 100 ағаш көшеттерін отырғызу жоспарлануда.