"Наурыз бен ораза": Сарапшы жазбасына қатысты түсініктеме берді

Экономист, журналист әрі сарапшы Айбар Олжаев бұған Наурыз мерекесі мен оразаға қатысты бұған дейінгі жазбасына түсініктеме берді, деп хабарлайды BAQ.KZ.

Тредстегі "Наурыз бен ораза" туралы орысша постымды біраз сайт өз беттерінше қазақшаға аударамын деп, мазмұнын біршама бұрмалап жібергенін байқадым. Ал бұл мәселеде хирургиялық дәлдік керек. Автормен, яғни өзім верификациялаған ең дәл аудармасы міне: Наурыз - азат адам ретінде құл болмаған түркілердің жаңа жылы. Көптеген қазақтар үшін оның статусы оразадан жоғары. Қазақтар, Наурыз бен ораза дата бойынша қатар келсе, Наурызды тойлайды. Ислам Алланың құлы болуға үйретсе, Тәңір - сен рухы еркін адамсың дейді. Сол себепті менің айналамдағы көптеген қазақтар Көк аспан мен Көк бөріге қайта оралды. Ораза да тәртіпке үйретеді. Еркін рух пен тәртіп - табыстың кепілі бола алады, - деп жазды ол.