Наркостоп. Алматыда 1500-ден астам граффити боялды

Бұл туралы Өңірлік коммуникациялар қызметінің алаңында Наркостоп жобасының PR маманы Жанар Нұрсейітова айтты, деп хабарлайды BAQ.KZ.

 2022 жылы еріктілердің белсенді қатысумен есірткіні жарнамалайтын 300 мың граффити боялды. 

2 жылда үлкен жүйелі нәтижелерге қол жеткізілді. Қарапайым мысал келтірейін, егер алғашқы күндері 50-ге жуық еріктілер дәрі-дәрмектің жарнамасын бояуға шықса, орта есеппен бір еріктіге 100 жазудан келетін. Қазір тура сондай алаңда  50 еріктіге 10-15 жазудан келеді. Бұл суреттерді өшіріп тастаған соң қайта пайда болған граффитилер, - деді спикер.

Нашақорларды емдеу және оңалту да маңызды мәселе болып табылады, өйткені жеке орталықтарда бұл соманы азаматтардың қалтасы көтере бермейді. Белсенділер жеке оңалту орталықтарының барлығы бірдей стандартталмағанын, соған қарамастан бірнеше жеке орталықтармен келісімге қол жеткізілгенін айтады. Қаржыландыруды Жастар саясаты жөніндегі басқарма қамтамасыз етеді.

Жобаның барлық мерзімінде 13 адам тегін оңалтудан өтті. Биыл белсенділер «Жаңа ғасыр» қауымдастығымен бірлесе отырып, оңалту орталықтарын реттеу және емдеу стандарттарын енгізу мәселесіне бастамашылық етуді мақсат етіп қойды.

Біз сауалнама жүргіздік, оның нәтижесі бойынша жастардың 10%-ы өмірінде бір рет болса да синтетикалық есірткі қабылдағанын анықтадық. Синтетикалық есірткіні пайдаланушылар әлеуметтік топтарға бөлінбейді. Ал жалпы бұл әлемдік деңгейдегі қауіпті үрдіс. Біз қоғам болып есірткі қылмысымен бірге күресуіміз керек, - деді өз кезегінде жастар саясаты жөніндегі басқарма басшысының орынбасары Әзиз Қажденбек.

Бүгінгі таңда бір ғана Алматыда есірткіге тәуелді 1130 нашақор ресми тіркелген. Мұндай деректерді психолог – аддиктолог,  жоба белсендісі Ғалия Назханова келтірді, ол есірткіге тәуелділердің орташа жасы тез жасарып бара жатқанын айтады.

Менің тәжірибемде 11 және 12 жастағы балалар болды. Олар синтетикалық есірткі мен психостимуляторларды қолданған. Нашақорлардың арасында тбасылы, немере сүйіп отырған 60-тан асқан ересектер де бар, - дейді ол.

Жоба белсенділері дәріханадағы нашақорлық мәселесін бірнеше рет көтеріп, бірқатар министрліктерге тиісті хаттар жолдаған. Үкімет биыл «Трамадол» препаратын есірткі заттарының тізіміне енгізді.

Сондай-ақ, жастармен жұмыс істеуге, олардың бос уақытын тиімді өткізуге ерекше көңіл бөлінетінін айта кеткен жөн. Осы мақсатта жоба еріктілері қалада жасөспірімдердің бос уақытын өткізу орталықтарын ашты. Демалыс орындарынан басқа, ата-аналар немесе туыстары нашақорлыққа күдікпен жүгіне алатын фронт-кеңселер де бар. Аддиктологтар оқиға орындарында алғашқы кеңес беріп, жолдама береді. Бұл мақсаттарға 59 миллион теңге бөлінді.

Наркостоп жобасы алғаш рет Алматыда 2021 жылы іске қосылды. Граффитидегі суреттерді өшіруден басталған жоба бүгінде бағытын кеңейтіп, синтетикалық тәуелділік мәселесіне кешенді түрде жақындады.

Баяндамашы атап өткендей, алматылықтар да аулаларға камералар орнату арқылы есірткі қылмысымен күреске үлес қосуда.

Қала тұрғындары анонимді түрде Алматы қалалық ІІД-нің WhatsApp-тағы сенім телефоны 8 705 549 70 25 немесе Наркостоптың жедел желісі – 8 747 461 67 01 арқылы хабарласа алады.