Нұр-Сұлтан мен Шымкентте ауа сапасы нашарлайды

Нұр-Сұлтан, BAQ.KZ. Бүгін еліміздің екі қаласында жағымсыз метеорологиялық жағдай күтіледі.

"Қазгидромет" РМК-дан хабарлағандай, сәрсенбі күні атмосфералық ауа сапасы Нұр-Сұлтан және Шымкент қалаларында нашарлайды. Синоптиктердің деректеріне қарағанда, Актөбе, Алматы, Балқаш, Қарағанды, Тараз, Теміртау, Өскеменде ауаның ластануы күтілмейді.

Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

ҚМЖ жағдайында елді мекендердегі атмосфералық ауаның сапасы нашарлауы ықтимал.