Мұз үстінде ойнап жүрген екі бала құтқарылды

ТЖМ құтқарушылары екі баланы құтқарды, деп хабарлайды BAQ.KZ ведомствоға сілтеме жасап.

Белгілі болғандай, Қонаев қаласы "Голубой залив" демалыс аймағында ТЖМ жедел-құтқару жасағының құтқарушылары профилактикалық жұмыстар жүргізу кезінде ересектердің қарауынсыз мұз үстінде ойнап жүрген екі баланы тауып, жағаға жеткізді.

Балалар зардап шеккен жоқ, оларды ата-аналарына тапсырды, - делінген хабарламада.

ТЖМ ата-аналарды мұқият болуға, балаларды қараусыз қалдырмауға шақырады.