Мұстафина сайлау процесіне қатысушылар қалай оқытылғанын айтты

Нұр-Сұлтан, BAQ.KZ тілшісі. Орталық сайлау комиссиясында Қазақстан Республикасы Парламенті Мәжілісі және мәслихаттары депутаттарын сайлау жөніндегі науқан кезінде сайлау комиссиялары мүшелері мен сайлау процесінің басқа қатысушыларын оқытуды ұйымдастырудың қорытындылары туралы отырыс өтті.

Отырыста Орталық сайлау комиссиясының хатшысы Сабила Мұстафина сайлаудың ерекшелігі оны оқытуға да әсер еткенін айтты. 

Оқыту контентінде мәслихат сайлауына пропорционалдық жүйені енгізу және екі күрделі сайлау кампаниясын біріктіру жүзеге асырылды: жалпы елдік Мәжіліс сайлауы және өңірлік қала мен аудандардағы мәслихат сайлауы. ОСК электоральді ағарту жұмысы сайлау комиссиялары мүшелері мен сайлау процесінің басқа қатысушыларына қатысты жүзеге асырылды, - деді Мұстафина. 

Хатшы ОСК екі оқу-әдістемелік кешенін әзірлегенін айтты. 

Сайлау процесінің басқа қатысушылары санаттарын электораттық оқытудың тұжырымдамалары әзірленді. АСК және УСК мүшелеріне арналған 105 жағдаяттық тапсырма бар. АСК мен УСК мүшелерін тестілеу үшін екі оқыту модулі бойынша мемлекеттік және орыс тілінде 420 сұрақ бар, - деді ол. 

Сайлау саласының кадрларын оқыту кезеңдеп жүзеге асырылған. 

Бастапқы кезеңде ОСК мүшелері мен ОСК аппаратының мүшелері облыстардың және республикалық маңызы бар қалалардың АСК мүшелерін оқыту бойынша 22 оқыту іс-шарасы ұйымдастырылды. Оның аясында 1007 аумақтың сайлау комиссия мүшесі оқытылды. Бұл 2 республикалық семинар кеңес, 6 көшпелі семинар, 14 БКБ-семинары деген сөз, - деді ол.