Мұхтар Ерман Орталық сайлау комиссиясының хатшысы болып сайланды

Нұр-Сұлтан, BAQ.KZ. 30 наурызда Нұрлан Әбдіровтің төрағалығымен Орталық сайлау комиссиясының отырысы өтті, деп хабарлайды Zakon.kz.

Отырыста «Қазақстан Республикасындағы Сайлау туралы» Конституциялық заңның 11-бабының 2-тармағына сәйкес, Ортсайлаукомның хатшысы болып Ерман Мұхтар Тілдәбекұлы сайланды.

Мұхтар Ерман 2022 жылы 30 наурызда Қазақстан Республикасы Парламентінің Мәжілісі арқылы Ортсайлауком мүшесі болып тағайындалған.

Бұған дейін Ортсайлауком хатшысы қызметін атқарған Щегорцова Анастасия Геннадьевна ҚР ОСК мүшесі ретінде қызметін жалғастыра береді.