Мүгедектік бойынша жаңа жәрдемақы қашан төленеді

Нұр-Сұлтан, BAQ.KZ тілшісі. Үкіметтің баспасөз орталығында Еңбек және халықты әлеуметтік қорғау министрі Серік Шәпкенов мүгедектік бойынша жаңа жәрдемақы қашан төленетінін мәлімдеді.

Бүгінгі таңда бұл заң жобасын Сенат қабылдап, Мемлекет басшысына қол қоюға жіберілді. Тиісті заң актілерін қабылдап, оларды қатар дайындаған жөн. Бір ай ішінде төлем жүргізіледі деп ойлаймын. Қаражатқа бюджетте қарастырылған, - деп айтты Еңбек министрі.

Еске сала кетейік, Қазақстанда мүгедектік бойынша жаңа жәрдемақы бекітілді. 23 қыркүйекте Сенат депутаттары мүгедектігі бар адамдардың жағдайын жақсартатын заңды қабылдады.