Науқасты MРТ-дан ақылы өткізген медициналық ұйым ақшасын қайтарды

Нұр-Сұлтан, BAQ.KZ. Бұл медициналық қызмет МӘМС-тің тегін қызметтер пакетіне кіргенімен, пациент процедураны өз есебінен өткізіп, Қорға шағымданған.

Павлодарда Әлеуметтік медициналық сақтандыру қорының араласуының нәтижесінде пациентке ақша қайтарылып берілді. Бұл туралы "Әлеуметтік медициналық сақтандыру қоры" КЕАҚ баспасөз қызметі хабарлады.

ӘМСҚ қызметтерін көрсететін Павлодар медициналық ұйымдарының бірінде пациент стационарлық тексеруден өткен. Дәрігерлер оны ақылы MРТ өтуге жіберді, бірақ бұл медициналық қызмет МӘМС пакетіне кіреді. Пациент процедураны өз есебінен өткізіп, Қорға шағымданады.

Өздеріңіз білесіздер, 2020 жылдан бастап Әлеуметтік медициналық сақтандыру қоры өз қызметінің негізгі міндеттерінің бірі - пациенттердің құқығын қорғау міндетін қойды. Қор мамандары медициналық ұйымдар көрсететін қызметтердің сапасын үнемі қадағалап отырады.

Бұл жағдайда пациенттің шағымын қарау кезінде медициналық мекеме Денсаулық сақтау министрлігінің бірнеше бұйрығының нормаларын сақтамағаны анықталды. Осы құжаттарға сәйкес, барлық диагностикалық зерттеулер емделу құнына қосылуы керек.

Сонымен қатар, MРТ құрылғысы болмаған кезде медициналық ұйым осындай қызметтерді ұсынатын жеткізушілермен келісімшарт жасасуы керек. Тиісінше, пациентті МРТ қызметтері көрсетілетін медициналық мекемеге жіберу керек.

Осы шағымды қарау нәтижелері бойынша пациентке ақша қайтарылды.

Жалпы, биыл қаңтарда 1406 МӘМС байланыс орталығына азаматтардан 24 мыңнан астам қоңырау келіп түсті, олардың ішінде 800-ден астам шағымдар. Барлық шағымдар қарастырылып, жабылды, - делінген хабарламада.