Министрлік лицензия мәселесін шеше алмай жатыр – Зайнолла Самашев

Археолог Зайнолла Самашев «Ұлттық идеология және ...» жобасында археологтардың жағдайы қиын екенін жеткізді, деп хабарлайды BAQ.KZ тілшісі.

Сұхбат барысында археолог аталған саладағы кадр тапшылығы, бақылауға алынбай келе жатқан қара археология және кәсіби емес мамандарға шектеусіз мерзімге беріліп жатқан лицензия мәселелеріне тоқталды. Ол сондай-ақ Кеңес үкіметінің қазақ тарихына жасаған қастандығы мен солтүстік өңірге археологиялық зерттеу жүргізудің геосаяси маңызын айтты.

Зайнолла Самашев сұхбатта қазақ көшпелі халық деген көзқарасқа қосылмайтынын айтып, оның қалай қалыптасқанын түсіндірді. «Ұлттық идеология және ...» жобасы көрермендеріне тоналмаған ІІ Алтын адамды қалай тапқанын айтып берді.