Министрлік фермерлерге: Биыл жем-шөп көп болады

Ауыл шаруашылығы министрлігі мал өсірумен айналысатын фермерлерге хабарлама жасады, деп хабарлайды BAQ.KZ тілшісі.

Мәжілісте Аграрлық мәселелер комитетінің кеңейтілген отырысында Ауыл шаруашылығы вице-министрі Әбілхайыр Тамабек биыл жем-шөп жеткілікті болатынын жеткізді.

Биыл жемдік астық көп болады. Оған қазіргі таңда «Азық-түлік келісімшарт корпорациясына» фураждық астықты сатып алу бойынша 20 млрд теңге бөлек бөлу мәселесі пысықталып жатыр. Қажет болған жағдайда мал өсірумен айналысатын фермерлерге қосымша көмек көрсетіледі, - деді ол.

Сонымен қатар вице-министр атап өткендей, өткен аптада «Қазақстан темір жолы» Маңғыстау облысындағы фермерлерге жем-шөп жеткізу үшін 80% тарифін түсірген.

Өңірлерде азық дайындау жоспары орындалып жатыр. Азық жетіспейтін облыстарға басқа өңірлерден астықтар тасымалданады, - деп түсіндірді Әбілхайыр Тамабек комитеттің кеңейтілген отырысында.