Министр екі облыстағы су тасқыны туралы мәлімдеме жасады

Төтенше жағдайлар министрі Шыңғыс Әрінов Ақмола және Батыс Қазақстан облыстарындағы су тасқыны жағдайы туралы айтты, деп хабарлайды BAQ.KZ.

Біздің болжам бойынша Есіл өзенінің деңгейі тағы да сәл қосылуы мүмкін. Өйткені Колутон және Жабай өзендері тағы да су қосуы мүмкін, - деп атап өтті ведомство басшысы.

Сондай-ақ министр батыстағы ахуалға тоқталды.

Қазіргі таңда Батыс Қазақстан өңірінде Ресейден Жайық өзені бойынша үлкен деңгейде су келгелі жатыр. Соған барлық дайындық жұмыстары жүргізілуде. Бұрын-соңды болмаған қауіп болды. Сондықтан қандай жағдай болмасын, біздің құтқарушылар, біздің әріптестеріміз ең бастысы адам өміріне қауіп төндірмеу үшін барлық күш-жігерін салып, эвакуациялады, - деді Шыңғыс Әрінов.