Министр ауыл шаруашылығы дамып келе жатқан өңірлерді атады

Бұл туралы Ұлттық экономика министрі Әлібек Қуантыров мәлім етті, деп жазады BAQ.KZ тілшісі.

Биыл қаңтар-қазан айының аралығында  11,7 млн шаршы метр тұрғын үй пайдалануға берілді, бұл 2021 жылдың сәйкес кезеңінен 1,1 пайызға артық. Оң өсу 15 өңірде тіркелді. Ең жоғарғы көрсеткіштер Түркістан, Ақмола, Алматы облыстарында және Шымкент қаласында байқалды. Көрсеткіштің төмендеуі Ұлытау, Маңғыстау, Атырау, Абай облыстарында, сондай-ақ Астана қаласында байқалды, – деді Әлібек Қуантыров.

Министрдің мәлімдеуінше, ауыл шаруашылығының жалпы шығарылымы 8,2 пайызға ұлғайды.

Саладағы өндірістің оң өсуі 16 өңірде тіркелді. Ең жоғарғы өсімді Қостанай, Ақмола, Маңғыстау және Солтүстік Қазақстан облыстары көрсетті, – деді ведомства басшысы Үкімет отырысында.

7 экономикалық көрсеткіш бойынша өңірлер арасындағы жалпы жағдай мынадай:

Барлық көрсеткіштер бойынша оң өсім 7 өңірде – Қостанай, Ақмола, Жамбыл, Шығыс Қазақстан, Қызылорда облыстарында, сондай-ақ Алматы және Шымкент қалаларында байқалды.